विधान सभेचे लागलेले निकाल धक्कादायक व अविश्वसनिय-चंद्रकांत गायकवाड
वावेदिवाळी इंदापूर, (गौतम जाधव) -महाराष्ट्रातील विधान सभेचे निकाल हे धक्कादायक व अविश्वसनिय लागल्यामुळे त्याच्या निषेधार्थ जेष्ठ सामाजिक कार्यकर्ते डॉ.बाबा आढाव हे दि.28 नोव्हेंबर 2024 रोजी पासून गेली तीन दिवस पुणे फुले वाडा येथे उपोषणास बसले असून त्याच्या या उपोषणास रायगड माणगांव मधून भारत जोडो अभियान या संघटनेच्या वतीने माणगांव तहसिल कार्यालया समोर धरणे आंदोलन करून जाहीर पाठिंबा दिला आहे.
यावेळी भारत जोडो अभियाचे कार्यकर्ते चंद्रकांत गायकवाड यांनी बोलताना सांगितले की हा विधान सभेचा लागलेला निकाल हा मोठा धकादायक असून अविश्वसनिय असल्याचे सांगून डॉ. बाबा आढाव यांनी केलेल्या उपोषणास आमचा पाठींबा दर्शविण्यासाठी आम्ही उपोषणास बसलो असल्याचे सांगितले. यावेळी भारत जोडो अभियानचे कार्यकर्ते पदाधिकारी महिलावर्ग उपस्थित होत्या.
