Daily News

रायगड जिमाका – हवामान आणि विविध समस्यांमुळे शेती उत्पादकता आणि नफा वाढवण्यासाठी आधुनिक तंत्रज्ञान आणि नाविन्यपूर्ण पद्धतींचा वापर करून शेतकऱ्यांना शिक्षित करणे ही काळाची गरज आहे.शेतकऱ्यांनी आधुनिक तंत्रज्ञान व बँकांचे सहकार्य यांच्या मदतीने शेतीत आवश्यक ते बदल करून उत्पादकता वाढविणे आवश्यक आहे. रायगड जिल्ह्यातील पांढऱ्या कांद्याचे क्षेत्र 1 हजार हेक्टर करण्यासाठी जिल्हा प्रशासन प्रयत्नशील असल्याचे प्रतिपादन जिल्हाधिकारी किशन जावळे यांनी केले.

बँक ऑफ बरोडाच्या वतीने दि. 25 नोव्हेंबर पासून रायगड जिल्ह्यात किसान पंधरवडा राबविण्यात येत आहे. या अंतर्गत शेतकरयांना धनादेश वाटप आणि माहितीसत्रांचे आयोजन क्षत्रेय समाज हॉल कुरुळ येथे करण्यात आले होते. यावेळी ते बोलत होते. व्यासपीठावर जिल्हा व्यवस्थापक जिल्हा उद्योग केंद्र, जी. एस हरलया, सहा. आयुक्त मत्स्य व्यवसाय, संजय पाटील, रिजनल मॅनेजर नवी मुंबई, मनीष कुमार सिन्हा, एन. डी. जी. एम., मुंबई विभाग मनोज गुप्ता यांसह अन्य मान्यवर उपस्थित होते

श्री. जावळे म्हणाले की, देशाची अर्थव्यवस्था कृषीवर अवलंबून आहे. कोरोना संसर्गाच्या काळात देशातील सर्व क्षेत्रांचा विकास दर घटला होता. शेती क्षेत्र हे एकमेव असं क्षेत्र होतं ज्या क्षेत्रानं विकासदरात वाढ नोंदवली होती. शेतकरी पारंपारिक पिकांसोबत फळ आणि फुलशेतीकडे वळला आहे. दुष्काळी भागातील शेतकऱ्यांचे दिवस डाळिंब, द्राक्षे शेतीमुळं बदलले. परदेशी फळं, भाज्यांची लागवड राज्यातील शेतकरी करु लागलेत. शेतीच्या जोरावर अनेक कुटुंबांनी प्रगती साधली. आपलं राज्य नेहमीच प्रागतिक गोष्टींचा स्वीकार करतं आणि त्या प्रत्यक्षात आणण्यासाठी ओळखलं जातं. शेती क्षेत्रातील संशोधकांनी विकसित केलेल्या तंत्रज्ञानाचा स्वीकार करत शेतकऱ्यांनी श्रमाची बचत केलीच त्यासोबत वेळेची बचत देखील होत गेली. शेतकऱ्यांनी कालानुरूप शेतीत बद्दल करायला हवा.
राज्यातील शेतकरी नवनवे प्रयोग करत असून शेतकरी उत्पादक संस्थांच्या माध्यामातून आपल्या जिल्ह्याचा विकास साधला पाहिजे. येथील वातावरण, पाऊस, जमिनीची प्रतवारी लक्षात घेऊन आपल्या पीक पद्धतीत आमूलाग्र बदल करण्याची आवश्यकता आहे. रायगड जिल्ह्यात बंदर आणि विमानतळ आहे. त्यामुळे आंतराराष्ट्रीय बाजारपेठ देखील उपलब्ध होऊ शकते. या सर्व बाबींचा विचार करून जिल्ह्यातील शेतकऱ्यांनी आपल्या शेतीत नवीन प्रयोग राबवावेत असेही त्यांनी यावेळी स्पष्ट केले. आजच्या युगात शेतकऱ्यांनी शेडनेट व पॉलिहाऊसच्या माध्यमातून विविध पीके घेण्याचे तंत्रज्ञान आत्मसात केले पाहिजे.यासाठी बँकेचे योगदान हे मोठे असणार आहे. बँक ऑफ बडोदा ने किसान पंधरवड्याच्या माध्यमातून जिल्ह्यात 31 कोटी रुपयांची प्रकरणे मंजूर केली आहेत ही आनंदाची बाब आहे. या कार्यक्रमाचा उद्देश हा योजनांची माहिती शेतकऱ्यापर्यंत पोहोचावी अशी आहे. सर्व पात्र लाभार्थी शेतकऱ्यांनी बँकांच्या योजनांचा लाभ घ्यावा असे अवाहन त्यांनी यावेळी केले.बँक ऑफ बडोदाने आपले मुख्यमंत्री रोजगार निर्मिती कार्यक्रमात देखील उल्लेखनीय कामगिरी केली आहे याबद्द् ‍दल जिल्हाधिकारी श्री. जावळे यांनी त्यांचे कौतुक केले. बँक आपल्या ग्राहकांच्या सेवेला सर्वोच्च प्राधान्य देत आहे असे सांगितले.बँक ऑफ बडोदाने शेतकऱ्यांसाठी किसान पंधरवड्याचे आयोजन केले असून, त्याअंतर्गत शेती क्षेत्रातील कर्जाचे प्रमाण वाढवण्याचा आणि शेतकऱ्यांचे उत्पन्न दुप्पट करण्याचा उद्देश आहे. कृषी क्षेत्रात बँकिंग आणि तंत्रज्ञानाच्या वापराला प्रोत्साहन देताना संपूर्ण भारतातील शेतकरी आणि ग्रामीण समुदायांशी संपर्क साधण्याचा बँकेमार्फत प्रयत्न केला जातो असे मनीष कुमार सिन्हा यांनी प्रास्ताविकात सांगितले. यावेळी सहा.आयुक्त मत्स्य व्यवसाय, संजय पाटील आणि एन. डी. जी. एम., मुंबई विभाग मनोज गुप्ता यांनी आपले मनोगत व्यक्त केले.यावेळी पात्र बचतगट व शेतकरी लाभार्थ्यांना जिल्हाधिकारी किसन जावळे यांच्या हस्ते धनादेश वाटप करण्यात आले.

श्रीवर्धन, (रामचंद्र घोडमोडे) – श्रीवर्धन तालुक्यात पर्यटकांचा वाढलेला ओघ पाहता प्रत्येक जण आपल्याला काही उद्योग धंदा मिळेल का या हेतूने नवनवीन उद्योगधंदे चालू करताना दिसत आहेत. श्रीवर्धन समुद्रकिनारी पूर्वी 2 ते 3 असणाऱ्या टपाऱ्याची संख्या 10 च्या वर गेली आहे. तर घोडा गाडी सेंड बाईक, बनाना राईट.जेट्स की बोट यांचे प्रमाण सुद्धा वाढलेले आहे. यांच्या मध्ये रोज काही ना काही छोटा मोठा वाद होत असतो. परंतु दिनांक 6/12/2024 मस्करीतून मोठा वाद निर्माण झाला. यासाठी श्रीवर्धन पोलिसांना सुद्धा प्राचारण करावे लागले.

मिळालेल्या माहितीनुसार घोडा गाडीवाल्यांनी तर समोरील व्यावसायिकांना चाबकाचे फटके देत खाली पाडून मारल्याचे तसेच वेपण सुद्धा वापरण्यात आल्याचे घटनास्थळी असणारे नागरिक चर्चा करत आहेत.तसेच वाद सोडवण्यासाठी गेलेल्या बनाना राईट व जेट्स की व्यवसायिकांना सुद्धा मारहाण केली. यामध्ये एकाला जबर मारहाण झाल्याने पुढील उपचारासाठी तालुक्याबाहेर पाठवण्यात आले. आता मात्र कोणाची हयगय न करता राजकारण्यांच्या सुद्धा आदेशाचे पालन न करता श्रीवर्धन समुद्रकिनारी व्यवसाय करणाऱ्या किती व्यवसायिकाकडे परवाना आहे. याची चौकशी करणे गरजेचे असल्याचे नागरिक बोलत आहेत.

घोडा गाडीवाले तर व्यवसाय पूर्ण झाल्यावर आपले घोडे इतर सोडून जातात यामुळे नागरिकांच्या बागा .शेती यांची मोठ्या प्रमाणात नुकसान होत असते. याबाबत अनेक वृत्तपत्रांत तसेच शासकीय कार्यालयांकडे लेखी तशाच तोंडी तक्रारी दाखल आहेत. आता तरी प्रशासन यावर ठोस उपाय योजना करेल का ? की एखादी जीवितहानी झाल्या नंतरच प्रशासनाला जाग येणार? मात्र झालेल्या घटनेमुळे सुस्त प्रशासनावर नागरिकांची प्रचंड नाराजी निर्माण झाली आहे.

झालेल्या घटनेबाबत श्रीवर्धन पोलीस ठाण्या मध्ये रितसर गुन्हा दाखल झाल्याची माहिती मिळत असून मात्र प्रसिद्धीसाठी कोणतीही प्रत देण्यात आलेली नाही.

महाड, (प्रतिनिधी)- महाराष्ट्र राज्य विधानसभा निवडणुकीत निवडून आलेल्या सर्व आमदारांचा शपथविधी सोहोळा दि. 7 ते 9 डिसेंबर दरम्यान बोलावलेल्या विधानसभेच्या विशेष अधिवेशनात होत आहे. आज पहिल्याच दिवशी महाड विधानसभा मतदार संघातून चार वेळा निवडून येण्याचा विक्रम करणारे आमदार भरतशेठ गोगावले यांनी आमदारकीची शपथ घेतली.

राज्याचे माजी मुख्यमंत्री तथा विद्यमान उपमुख्यमंत्री एकनाथ शिंदे यांच्या पाऊलावर पाऊल टाकीत आ. भरतशेठ गोगावले यांनी आपली आमदारकीची शपथ घेण्यापुर्वी छ. शिवाजी महाराज, छ. संभाजी महाराज, डॉ. बाबासाहेब आंबेडकर, हिंदुहृदय सम्राट बाळासाहेब ठाकरे, धर्मवीर आनंद दिघे यांचे स्मरण केले.

आता महाड वासियांसह रायगड जिल्हयातील शिवसैनिकांना आ. गोगावले हे मंत्रीपदाची शपथ कधी घेतात याची प्रतिक्षा लागून राहिली आहे.

مبارك كاپڑی،ممبئی
دراصل كئی صدیوں تك همارے حكمراں امریكه، برطانیه اور فرانس كے صدور سے زیاده طاقتور تھے مگر ان كو اپنی ترجیحات كا علم هیں تھا۔ ترجیحات سے لا علمی كتنی بڑی كوتاهی هوتی هے اس كو سمجھنے كے لیے هم تاریخ كے چند صفحات پلٹنا چاهیں گے۔
۱۔مغل بادشاه جهانگیر كی بینائی كمزور هوئی تو ایك انگریزطبیب نے اسے ایك عینك پیش كی۔ جس پر بادشاه بے حد خوش هوا اور اس عینك پر هیرے جواهرات بھی لگادئے مگر عینك بنانے كا كارخانه قائم كرنے كا خیال بادشاه كو نهیں آیا۔
۲۔مغل بادشاه فرخ سیر كی بیٹی بیمار هوئی اور اس كا علاج ایك انگریز ڈاكٹر نے كیا تب همارے بادشاهوں كی ایك اسٹائل هوا كرتی تھی، اس كے مطابق اس نے پوچھا مانگو كیا مانگتےهو؟ اور اس طرح بادشاه نے جنوبی هند كے سارے محصولات ایسٹ انڈیا كمپنی كے لیے مختص كردئیے۔
۳۔شاهجهاں نے اپنی بیگم كی یاد میں آگره میں تاج محل بنایا۔ اس بادشاه كے پاس دنیا كے بهترین آركٹیكٹ كی ایك فوج موجود تھیں۔ایك بابصیرت حكمراں نے ان كی مدد سے آگره میں تاج محل كے بجائے ممتاز محل یونیورسٹی آف آركیٹیكچر بنائی هوتی۔ اس یونیورسٹی سے اب تك لاكھوں مسلم نوجوان آركٹیكٹ تیار هوئے هوتے۔ شاهجهاں كا تاج محل فن تعمیر كا بهترین نمونه هے۔ البته اس كے ذریعے حاصل هونے والی كروڑوں كی آمدنی سے ایك روپیه بھی اس قوم كو براه راست نهیں ملتا۔ اب كچھ لوگ شاید یه كهیں گے كه اس زمانے میں یونیورسٹی وغیره كا چلن كهاں تھا؟ ان لوگوں كی معلومات كے لیے هم عرض كریں كه شاهجهاں كے دور سے ۵۳۲؍ سال قبل آكسفورڈیونیورسٹی، ۴۷۵؍ سال قبل پیریس یونیورسٹی اور ۴۱۵؍ سال قبل كیمبرج یونیورسٹی قائم هوچكی تھی۔اس ضمن میں ایك بات اور سن لیجئے۔ اپنی بیوی كی یاد میں ایك یا كئی اسپتال اور ممبئی كے كنگ ایڈورڈ میموریل ( كے ای ایم) اسپتال سے كئی گنا بڑے اسپتال ملك بھر میں قائم كرسكتا تھا اور ان اسپتالوں سے قوم كو هزاروں ڈاكٹر هر سال مهیا هوسكتے تھے۔
۴۔جدید علوم سے بیزاری كا انجام كیا هوتا هے، همارے طلبه اس كو نوٹ كرلیں۔ بكسری كی جنگ سے قبل همارے شهنشاه انگریزوں اور برطانیه كو خاطر میں نهیں لاتے تھے اور كیوں كر لاتے ان كو نظر میں وه ۴۰؍ لاكھ مربع كلو میٹر كے بر صغیر كے شهنشاه تھے اوربرطانیه صرف ایك چھوٹا سا جزیره تھا۔ مگر صرف دو سو نفوس پر مشتمل ایسٹ انڈیا كمپنی نے مغلیه سلطنت كی چولیس هلادیں اور آخری شهنشاهٔ هند كو ایك گودام میں قید تك كرلیا جهاں ۸۲؍ ساله شهنشاه انگیٹھی كے كوئلے سے دیوار پر اپنے اشعار لكھا كرتے۔

प्रवाशांना नाहक त्रास.नागरिकांची एस. टी. महामंडळावर नाराजी

श्रीवर्धन, (रामचंद्र घोडमोडे) – गेली अनेक वर्ष सुरू असलेली बागमांडला श्रीवर्धन ठाणा या गाडीची ठाणा येथून 11 वाजता सुटण्याची वेळ निश्चित आहे. या गाडीने श्रीवर्धन तालुक्यातील बागमांडला पंचक्रोशीतील सर्व गावे, हरिहरेश्वर तीर्थक्षेत्र, तसेच श्रीमंत पेशव्यांची जन्मभूमी ओळख असलेल्या श्रीवर्धन या नगरीतील परिसरातील सर्वच नागरिक या गाडीने प्रवास करत असतात. ठाणा, मुलुंड, ऐरोली आजूबाजूच्या उपनगरातील असंख्य पर्यटक. हरिहरेश्वर. काळ भैरवनाथ. आई सोमजाई देवी वर श्रद्धा असणारे असंख्य नागरिक या गाडीच्या माध्यमातून प्रवास करत असतात. गेली अनेक वर्ष प्रवास करणाऱ्या असंख्य प्रवासी बांधवांच्या ठाणा येथून गाडीच्या सुटण्याच्या वेळेच्या वेळेमध्ये एक,ते दोन,तास उशिर होत असल्याची तक्रार आहे. मात्र हीच गाडी सकाळी 7 वाजता वेळेत बागमांडला येथून पुन्हा परतीचा प्रवास ठाण्याला जाण्या करिता वेळेत सुटते. खोपट डेपो मधुन रोज गाडी वेळेत सोडण्या संदर्भात होणाऱ्या हलगर्जी पणाच्या कारभाराला कुठेतरी लगाम घालण्या साठी ठोस भूमिका घेण्याची मागणी गाडीने प्रवास करणारे प्रवासी करत आहेत. श्रीवर्धन तालुक्यातील तसेच एस टी महामंडळावर असणारे राजकीय नेतृत्व करणाऱ्या मान्यवराने सुद्धा ही बाब गांभीर्याने घेत पुढील होणाऱ्या विलंबाच्या प्रवासाला कुठेतरी पूर्णविराम द्यावा ही मागणी नागरिकांकडून केली जात आहे. दि. 6/12/2024 रोजी तर चक्क दुपारी 1. 30 ह्या वेळेत ठाणा येथून बागमांडला येथे येण्याकरिता निघाली. यामुळे श्रीवर्धन परिसरात प्रवास करणाऱ्या प्रवाशांना नाहक त्रास करावा लागला. तसेच श्रीवर्धन बस डेपो मध्ये बागमांडला गाडीची वाट पाहणाऱ्या कामानिमित्ताने श्रीवर्धन मध्ये येत असणाऱ्या बागमांडला परिसरात नागरिकांना सुद्धा त्रास सहन करावा लागला आहे.

गाडीने प्रवास करणारे प्रवासी, वयोवृद्ध नागरिक वेळेत गाडी पकडण्याकरिता अर्धा पाऊण तास डेपोजवळ पोहोचत असतात. आगाऊ बुकिंग करणाऱ्या सर्व प्रवासी बांधवांना डेपो व्यवस्थापनच्या गलथान कारभारामुळे नाहक मनस्ताप सोसावा लागत आहे. यावर ठोस उपाय योजना करण्याची मागणी प्रवासी वर्गातून केली जात आहे.

महाड, मुलुंड येथील सुप्रसिद्ध संस्था रंग उत्सव विद्यार्थ्यांच्या कलागुणांना, कल्पनाशक्ती खुलवत त्यांना संधी देण्यासाठी कार्यशील असते. रंग उत्सव संस्थे मार्फत आयोजित राष्ट्रीय स्तरिय चित्रकला स्पर्धेत फजंदार हायस्कूल व जुनियर कॉलेज, वहूर महाड ची इ.7 वी ची विद्यार्थीनी कु.जुवेरिया मुजफ्फर मुकामद हिने प्रथम क्रमांक पटकावला आहे.रंग उत्सव संस्थेने तिला ह्या यशाबद्दल राष्ट्रीय स्तराचे प्रमाणपत्र व ट्राफी देऊन गौरविण्यात आले.

कु जुवेरिया हिचे अंतरराष्ट्रीय चित्रकला स्पर्धेसाठी निवड करण्यात आली.कु. जुवेरिया हिला बालपणापासून चित्रकला विषयाची आवड होती. आपल्या कलेची जोपासना करत जिद्द, चिकाटी यांच्या जोरावर तिने राष्ट्रीय स्तरावर हे सुयश संपादन करून आपल्या शाळेचे,आपल्या आईवडिलांचे नाव रोशन केले.

या यशाबद्दल फजंदार हायस्कूल व जुनियर कॉलेज चे प्राचार्य राहिल फजंदार, पर्यवेक्षक गुलाम पटेल, कलाशिक्षक अब्दुल अजीज, इतर शिक्षकवर्ग शिक्षकेत्तर कर्मचाऱी विद्यार्थ्यांनी कु.जुवेरिया हिचे अभिनंदन केले व पुढील वाटचालीस शुभेच्छा दिल्या.

मुरूड, (जाहीद फकजी) – मुरुड मध्ये असणारे अंजुमन इस्लाम जंजिरा चे डिग्री कॉलेज यांस जमातूल मुस्लिमीन मोहल्ला बाजार मुरुड यांच्याकडून जवळपास पंधरा हजार किमतीचे 80 पुस्तके वाटप करण्यात आली. जमातूल मुसलिमीन बाजार असे उपक्रम नेहमीच राबवीत असते. शाळेत मुलांना चांगले शिक्षण मिळावे व त्यांना पुस्तकांची कमी पडू नये या निमित्ताने अंजुमन इस्लाम डिग्री कॉलेज या संस्थेच्या विद्यार्थ्यांना जमातूल मुस्लिमीन मोहल्ला बाजार यांच्याकडून पुस्तके देण्यात आली.

या निमित्ताने एका चांगल्या कार्यक्रमाचे आयोजन करण्यात आले होते. या कार्यक्रमाचे आयोजन डिग्री कॉलेजच्या एका भव्य हॉलमध्ये डिग्री कॉलेजचे प्रिन्सिपल माननीय साजिद सर यांनी केले होते.या कार्यक्रमांमध्ये डिग्री कॉलेजचे अनेक विद्यार्थी व विद्यार्थीनीनी भाग घेतला होते. या कार्यक्रमांमध्ये डिग्री कॉलेजचे शिक्षक वर्ग, कर्मचारी वर्ग व जमातूल मुस्लिमीनचे अध्यक्ष उपाध्यक्ष, सचिव, सहसचिव व सदस्य उपस्थित होते.

कार्यक्रमाची सुरुवात ईश्वराच्या नावाने व कुराण पठण करून करण्यात आले. सूत्रसंचलन प्रा. निदा गोडमे याने केले व डिग्री कॉलेजचे प्रिन्सिपल साजीद सर यांनी प्रस्ताविक केले तसेच जमातूल मुस्लिमीन मोहल्ला बाजार चे अध्यक्ष तसेच उपाध्यक्ष याने आपले मनोगत व्यक्त केले.

महाराष्ट्र राज्य क्रीडा समन्वयक पदी नियुक्ती

महाड, (प्रतिनिधी) -टेनिस बॉल क्रिकेटचा बादशहा म्हणून चिरपरिचित असलेला महाडकर क्रिकेटपटू योगेश पेणकर याची शिवसेना प्रणित युवा सेनेच्या महाराष्ट्र राज्य क्रीडा समन्वयक पदी नियुक्ती करण्यात आली आहे. युवा सेनेचे कार्याध्यक्ष पूर्वेश सरनाईक आणि कोअर कमिटी सदस्य विकास गोगावले यांनी नुकतेच त्याला नियुक्तीपत्र प्रदान केले.
योगश पेणकर याने आपल्या टेनिस बॉल क्रिकेटने केवळ महाड किंवा रायगडमध्येच नावलौकिक मिळविलेला नाही तर राज्यात, देशात आणि परदेशातही आपल्या फलंदाजीची छाप पाडली आहे. महाड शहरातील महाबली काँप्लेक्स मध्ये राहणारा आणि महाड औद्योगिक वसाहती मधील लक्ष्मी ऑरगॅनिक्स या कारखान्याच्या सेवेत असलेला योगेश पेणकर हा एक व्यावसायिक टेनिस क्रिकेटपटू आहे. स्थानिक पातळीवर तो अफझल इलेव्हन या संघाकडून तर राज्य पातळीवर तो पुण्यातील डिंग डाँग संघाकडून तो नियमत खेळतोच. त्याच्या बहारदार फलंदाजीमुळे राज्यातील इतर अनेक संघांनी त्याला आजवर आपल्या संघातून खेळविले आहे. परदेशातही त्याने आपल्या दमदार फलंदाजीची छाप पाडूली आहे. त्याच्या क्रीडा क्षेत्रातील या दमदार कामगिरीची दखल घेत युवासेनेचे कार्याध्यक्ष पूर्वेश सरनाईक यांनी त्याची युवा सेनेच्या क्रीडा समन्वयक पदी नियुक्ती करित त्याला क्रीडा क्षेत्रात व्यापक काम करण्याची संधी उपलब्ध करून दिली आहे. महाडचे आमदार भरतशेठ गोगावले यांचा समर्थक असलेल्या योगेश पेणकर याने आपल्या या नियुक्तीचे श्रेय एकनाथ शिंदे, खा. श्रीकांत शिंदे, आ.भरतशेठ गोगावले आणि युवा सेनेच्या कोअर कमिटी सदस्य विकास गोगावले यांना दिले आहे. या पदावर आपली नियुक्ती व्हावी यासाठी विकास गोगावले यांनी पूर्वेश सरनाईक यांच्याकडे आग्रह धरला होता असे योगेश पेणकर याने आवर्जून सांगितले.

योगेश पेणकर याच्या या नियुक्तीमुळे महाडसह रायगड जिल्ह्यातील क्रीडा क्षेत्रात आनंद आणि उत्साहाचे वातावरण निर्माण झाले आहे. क्रीडा क्षेत्रातील मान्यवरां बरोबरच विविध राजकीय, सामाजिक, सांस्कृतिक संघटनांकडून योगेश पेणकर याच्यावर अभिनंदनाचा वर्षाव होत आहे.

युवा सेनेच्या प्रदेश क्रीडा समन्वयकपदी नियुक्ती होणे हा माझ्यासाठी सुखद धक्का आहे. शिवसेनाप्रमुख स्व. बाळासाहेब ठाकरे, मुख्यमंत्री एकनाथ शिंदे , आ. भरतशेठ गोगावले यांच्या आशीर्वादाने पूर्वेश सरनाईक आणि विकास गोगावले यांनी माझ्यावर टाकलेली जबाबदारी यशस्वीपणे पारपाडून युवा सेनेच्या माध्यमातून महाराष्ट्राचे क्रीडा वैभव वाढविण्यासाठी मी सदैव कार्यरत राहीन.- योगेश पेणकर

महाराष्ट्र राज्य क्रीडा समन्वयकयुवासेना !क्रिकेटपट्टू योगेश पेणकर यांना राज्यस्तरीय क्रीडा विभागाची जबाबदारी देण्यात येत आहे. युवासेने तर्फे राज्यस्तरीय टेनिस बॉल क्रिकेट स्पर्धेचे आयोजन करण्यात येणार आहे. तसेच क्रीडा क्षेत्रात अमूलग्र बदल घडवून आणण्यासाठी ठोस पावले उचलण्याचा आज निर्णय घेण्यात आला आहे.- पूर्वेश सरनाईक युवासेना कार्याध्यक्ष.

विद्युत तारा उघड्यावर,नागरीकांमध्ये भीतीचे वातावरण

माणगाव, (सलीम शेख) -माणगाव शहरातील नेहमी गजबजलेला मोर्बा रोड येथील गेले दोन महिने महामार्गावरील उपजिल्हा रुग्णालय ते दिनेश पवार यांच्या इमारतीच्या 500 मिटर अंतरातील सुमारे 20 विद्युत खांबावरील पथ दिवे गेल्या दोन महिन्यांपासून बंद स्थितीत असल्याने या परीसरात अंधाराचे साम्राज्य पसरले आहे. त्यामुळे नागरिकांची मोठी गैरसोय होत आहे.

दिघी – माणगाव-पूणे हा महामार्ग नव्याने तयार करण्यात आला आहे. त्यावेळी उपजिल्हा रुग्णालय ते दिनेश पवार यांच्या इमारती पर्यंत जमिनीखालून महामार्गावरील पथदिव्यांसाठी विद्युत जोडणी महाराष्ट्र राज्य रस्ते विकास महामंडळातर्फे एक वर्षांपूर्वी करण्यात आली होती. मात्र हे पथदिवे कधीच कायम स्वरुपी प्रकाशले नाहीत. कधी मंद तर कधी बंद अशी अवस्था झाली होती. आता तर हे पथदिवे दोन महिने कायम स्वरुपी बंद अवस्थेत आहेत. हि जबाबदारी महाराष्ट्र राज्य रस्ते विकास महामंडळ यांची असूनही ते या गैरसोयी कडे अक्षम्य दुर्लक्ष केले आहे. याबाबत माणगाव नगरपंचायतीने वारंवार पत्रव्यवहार आणि फोनवरून संपर्क साधला असता उडवा उडवीची उत्तरे देण्यात येतात. तसेच प्रांताधिकारी माणगाव यांच्या कडेही याबाबत लेखी निवेदन देण्यात आले आहे. मात्र अद्यापही पथदिव्यांचा प्रकाश पडलेला नाही. विद्युत जोडणी करताना विद्युत तारा जमिनीखालून जोडण्यात आलेल्या नाहीत. त्या प्रवाहित तारा रस्त्यावरून खड्ड्याचा चर न खोदता उघड्यावर ठेवण्यात आल्या आहेत. काही ठिकाणी त्या विद्युत तारा तुटलेल्या अवस्थेत आहेत. त्यामुळे विजेचा झटका लागून दुर्दैवी घटना घडून नागरिकांचा मृत्यू ओढवला जाण्याची भीती वाटत आहे.

याबाबत महाराष्ट्र विद्युत नियामक मंडळाने ही आमची जबाबदारी नाही असे सांगून हात झटकले आहेत. काही ठिकाणी या विद्युत तारा वितळलेल्या आहेत. त्यामुळे सिद्धी नगर आणि खांदाड भागातील विद्युत पुरवठा वारंवार खंडित होत आहे. काही वेळा विद्युत दाब कमी जास्त होऊन इलेक्ट्रॉनिक वस्तू जळून नष्ट झाल्या आहेत. पथ दिवे सुरू नसल्याने रात्रीच्या अंधारात चाचपडत जावे लागते. तसेच छोटेमोठे अपघात आणि चोऱ्या होत असतात. काही ठिकाणी विद्युत उच्च दाबाच्या तारा उघड्यावर असल्याने भीतीचे वातावरण पसरले आहे. हा मोर्बा रोड दिवस रात्र गजबजलेला असून वाहनांची सतत रहदारी असते.मोर्बा रोड हा शहरातील महत्वाचा मार्ग असून हा महामार्ग म्हसळा,श्रीवर्धन,हरी हरेश्वर,दिवेआगर या पर्यटन स्थळांना जोडला गेला आहे. त्यामुळे या मार्गावरील पथदिवे तातडीने सुरू करण्यात यावेत अशी मागणी सिद्धीनगर आणि खांदाड भागातील नागरिकांनी केली आहे.

महाड, (प्रतिनिधी)- मराठी पत्रकार परिषदेच्या वर्धापन दिनाचे औचित्य साधून मंगळवारी पत्रकारांच्या राज्यव्यापी आरोग्य तपासणी उपक्रम राबविण्यात आला. याच उपक्रमाचा एक भाग म्हणून महाड येथे महाड प्रेस असोसिएशनच्या सदस्यांची आरोग्य तपासणी डॉ. अन्सारी यांच्या न्यू लाईफ मल्टिस्पेशालिटी हॉस्पिटलमध्ये करण्यात आली. रक्त शर्करा, रक्तदाब, रक्ताच्या विविध तपासण्या, विद्युत हृदयाभिलेख आदि तपासण्या करण्यात आल्या. न्यू लाईफ मल्टिस्पेशालिटी हॉस्पिटलचे संचालक डॉ. वारिस अन्सारी, डॉ. जमिल अन्सारी, सिस्टर रेश्मा राणे, सिस्टर रुखसार सिद्दीकी आणि त्यांच्या सहकाऱ्यांनी ही आरोग्य तपासणी केली. महाड प्रेस असोसिएशनचे अध्यक्ष प्रवीण कुलकर्णी, उपाध्यक्ष संजय भुवड, सचिव श्रीकांत पार्टे, सचिन कदम, रोहन शिंदे, उत्तम तांबडे, राजेश भुवड, चंद्रहास नगरकर आदि सदस्य यावेळेस उपस्थित होते.